yüklənir...
yüklənir...

"Əsgərə xatirə kitabı" layihəsi əsgərin xatirində əbədi qalacaq - Etibar Toğrul yazır

Əsgər Vətənə canın verər, əvəzində vətəndaşdan qəlbində yer istər.


Vətənin keşiyini çəkən, soyuq, isti, yağış, boran bilmədən səngərdə ayıq-sayıq dayanan, vəzifəsi Vətənə xidmət olan və xidmət etdiyi Vətənə canını fəda etməyə hazır olan Azərbaycan əsgəri! Bu ad uca adlardan biri, bu ad qürurumuz, fəxrimizdi. Bu adı şərəflə daşıyan oğulları hər birimiz sevməli və dəyərləndirməliyik.
Azərbaycan əsgərinə artıq 3 ildir ki, dəyər verən, onu Novruz Bayramında yad edən və yanında olan "Əsgərə xatirə kitabı" adlı bir layihə icra olunmaqdadır. Bu layihənin müəllifi kimdir? Azərbaycan Alpaqut Federasiyasının birinci vitse prezidenti, Bakı Texniki-Hümanitar liseyin tədris işləri üzrə direktor müavini, YAP Xətai rayon qadınlar Şurasının sədr müavini - bunları davam etmək də olar və yaxud bunların əvəzinə VƏTƏNDAŞ Nuranə xanım Şixəliyeva da yazmaq olar.
Bəli, "Əsgərə xatirə kitabı" layihəsinin müəllifi və bu layihə çərçivəsində təşkil olunan tədbirlərin təşkilatçısı cəmiyyətdə yüksək vətəndaşlıq mövqeyi ilə seçilən Nuranə xanım Şixəliyevadır. Yuxarıda qeyd etdiyim kimi artıq üçüncü ildir ki, bu layihə çərçivəsində hər ilin bu ayı Novruz bayramı ərəfəsində, çərşənbə günlərinin birində Nuranə xanımın rəhbərliyi ilə böyük bir heyət qəhraman Azərbaycan Ordusunun işğaldan azad etdiyi Lələ Təpəyə səfər edir və orada xidmət edən zabit və əsgərlərlə görüş keçirilir.
Bu ildə sözügedən layihə çərçivəsində Nuranə Şixəliyevanın rəhbərlik etdiyi böyük bir qrup işğaldan azad edilmiş Lələ Təpə yüksəkliyinə səfər etmişlər. Cəbrayıl rayonunun Cocuq Mərcanlı kəndindən başlayan səfər ön xətdə xidmət edən əsgərlərlə görüşlə başa çatmışdı.
Görüş zamanı nümunəvi xidmətinə görə fərqlənən əsgərlərə Azərbaycan Alpaqut Federasiyası və Bakı Texniki-Hümanitar liseyin adından fəxrı fərmanlar, hədiyələr və bayram sovqatı təqdim edilib. Əsgərlərə təqdim olunan ən böyük hədiyə isə kitablar olub. Adından göründüyü kimi bu layihənin əsas məramı əsgərlərin asudə vaxtlarınının səmərəli təşkili, onlarda vətənpərvərlik ideyalarının aşılanması məqsədi ilə vətənpərvərlik mövzusunda yazılmış kitabları onlara hədiyə etməkdir.
Bunlardan başqa əsgər üçün ən qiymətli hədiyə əziz günlərdə onu yad etmək, ona dəyər vermək, ona sevgini göstərməkdir. Bəli, Nuranə xanım Şixəliyeva bu dəyəri, bu sevgini Azərbaycan əsgərinə nümayiş etdirir. Əsgər Vətənini elə sevir ki, sonunda canını da fəda etməkdən çəkinmir. Əsgər bu sevginin, bu fədakarlığın əvəzindən vətəndaşın qəlbində yer istər. Nuranə xanım kimi ziyalılar isə öz qəlblərində Azərbaycan əsgəri üçün uca bir abidə ucaldır və bunu əməli ilə sübut edir.
Azərbaycan Alpaqut Federasiyasının vitse prezidenti Rafiq Qasımov altı nəfər öz tələbə idmançıları ilə, "Neapol Bakı" asossasiyasının vitse prezidenti Tural Alışanlı, Bakı şəhəri 82 saylı tam orta məktəbin rəhbərliyi, "Azərbaycan Ordusu" qəzetinin baş redaktoru Ruslan Həsənzadə, pisixoloq Aytən Ələkbərova, əsgər valideynləri, şəhid ailələri və digər fəxri qonaqlar bu tədbirdə iştirak etdirdilər. Səfər praqramı çərçivəsində iştirakçılarla Aprel döyüşlərinin canlı qəhrəmanı General-Mayor Mayis Bərxudarovun görüşü olmuşdu. General "Lələ Təfə fatehləri" adlı kitabı Nuranə xanıma təqdim edib. Bunu isə Nuranə xanımın xoş məramlı əməlinə verilən General dəyəri hesab etmək olar.
Cəbrayıl rayon İcra hakimiyyətinin başçısı Kamal Həsənov səfər iştirakçıları ilə görüşərək, Cocuq Mərcanlıda görülən işlər, sakinlərin yenidən doğma kəndlərinə qayidışından söhbət açıb.
Axşam saatlarında isə əsgərlərlə birgə Novruz tonqalı ətrafına toplaşmışlar. Tonqalı aprel şəhidi Elnur Əliyevin anası alovlandırıb. Vətənə Elnur kimi igid oğul bəxş edən və o oğulun Vətən uğrunda şəhid olmasından qurur duyan bir ANA Novruz tonqalını alovlandıraraq əsgərləri həmin tonqalın ətrafına toplayıb. Şəhid anasının alovlandırdığı tonqalın ətrafında edilən dualar Uca Tanrının dərgahında qəbul olar.
Səfər praqramının ən maraqlı hissəsələrindən biri də Azərbaycan Alpaqut Federasiyasının Alplarının əsgərlər qarşısında nümunəvi idman çıxışları etməsi oldu. Sabahın əsgərləri olan Alpaqut idmançıları öz çıxışları ilə əsgər və zabitlərə - Sizlərin fəth etdiyi Lələ Təpə zirvəsini sabah bizlər qoruyacağıq - dedilər.

Baku.News


"Əsgərə xatirə kitabı" layihəsi əsgərin xatirində əbədi qalacaq - Etibar Toğrul yazır
"Əsgərə xatirə kitabı" layihəsi əsgərin xatirində əbədi qalacaq - Etibar Toğrul yazır
"Əsgərə xatirə kitabı" layihəsi əsgərin xatirində əbədi qalacaq - Etibar Toğrul yazır
"Əsgərə xatirə kitabı" layihəsi əsgərin xatirində əbədi qalacaq - Etibar Toğrul yazır
скачать dle 10.6фильмы бесплатно
>

Tarix:16-03-2019, 16:45
Oxunub:66


MİLLİ QƏHRAMANLAR
Xəbər lenti