yüklənir...
yüklənir...

Dahilər-şöhrətdir bütün cahana, bəşər fayda görür borcludur ona

Dahilər-şöhrətdir bütün cahana, bəşər fayda görür borcludur ona
El işində körpü salıb, yol çəkmək inam yerimiz Məkkə ziyarıtinə getmək kimi bir savab işdir. Yaxşı haldı ki, bizim ziyalılarımız bunu gözəl dərk edərək kğrpü salmağı, yol çəkməyi başqa sənətdən üstün tuturlar. Çaylar üzərində körpülərin salınması ilə yolların çəkilməsi həmin ərazilərin yeni inkişafına şərait yaradır
Zərdab rayonu (Qoruqbağı kəndi) ilə Ağcabədi rayonunu birləşdirən Kür çayı üzərindəki Körpü el arasında rəmzi olaraq İnqilab körpüsü adlanır. Sən demə körpünün yaranması və belə adlandırılmasının maraqlı bir tarixcəsi var.
1985-ci ildə dahi bəstəkar Üzeyir bəy Hacıbəyovun anadan olmasının 100 illiyi ərəfəsində Kəlbəcər rayon Partiya Komitəsinin birinci katibi vəzifəsində işləyən İnqilab Nadirov Azərbaycanın Yollar naziri Rafiq Xələfov ilə Üzeyir bəyin harada doğulması ilə bağlı mübahisə edirlər. İnqilab Nadirov onun Ağcabədidə, Rafiq Xələfov isə Şuşada doğulduğunu iddia edirlər. İnqilab müəllim şərt kəsir ki, əgər mən uduzsam 1000 manat həcmində R. Xələfovun istədiyini alacağam, Rafiq müəllim uduzarsa onda Kür çayı üzərində Zərdab ilə Ağcabədini birləşdirən körpü salacaqdır.
Az bir müddət keçdikdən sonra İnqilab Nadirov Üzeyir bəyin Ağcabədidə doğulması ilə bağlı sənədləri gətirib Rafiq Xələfova göstərir. Uduzduğunu etiraf edən Rafiq Xələfov körpü tikintisinin plan və layihəsini həyata keçirməyə başlayır. Çox keçmir ki, körpü hazır olur. Zərdabla Ağcabədi rayonunu birləşdirən İnqilab körpüsünün həm zərdablılar, həm də ağcabədililər- ümumiyyətlə qarabağlılar və şirvanlılar üçün müstəsna əhəmiyyəti vardır. Bu körpü artıq 33 ildir ki, həmin zonada yerləşən onlarla yaşayış məntəqələrinin əhalisi üçün böyük iqtisadi və sosial əhəmiyyətə malikdir.
Mən bəzi faktları dəqiqləşdirmək üçün günlərin birində İnqilab Nadirli ilə görüşüb Kürün üzərində salınan və onun adını daşıyan İnqilab körpüsü haqqında danışmasını ondan xahiş etdim.
İnqilab müəllimin dediklərindən:
Mən əslən Ağcabədidənəm. Gəncliyim orada keçib. Ağcabədi rayonunda bir sıra məsul,rəhbər vəzifələrdə çalışmışam. Həm Ağcabədi, həm də Zərdab rayonlarının kəndlərinə yaxşı bələdəm. Gənclik dövründə Ağcabədi rayon Komsomol Komitəsinin ikinci, birinci, Ağcabədi rayon PK-nin katibi vəzifələrində işləyərkən düşünürdüm ki, Kür çayının üzərindəki indi el arasında mənim adımla adlandırılan bu körpünün tikilməsi həm zərdablılar, həm də ağcabədililər üçün çox gərəkli olardı. Bu sahildən o biri sahilə bərə ilə keçid zamanı dəfələrl çoxlu sayda insanların tələf olmalarının şahidi olmuşam. Yastıyol kəndi ərazisində, Kür çayı sahilində Axmaz deyilən çökəklikdə “Nuh gəmisi” məktəbində oxumuşam. Mən Ağcabədi RPK-nin ikinci katibi vəzifəsində işləyərkən Yastıyol kəndində yeni məktəb binası tikdirdik və məktəblilərin canını “Nuhun gəmisi”-ndən qurtardıq. Sonralar elə oldu ki, mən Kəlbəcər rayon PK-nin birinci katibi vəzifəsində işlədim. Rəhmətlik Rafiq Xələfov isə Yollar naziri vəzifəsində çalışırdı. Dost olduğumuz üçün o, tez-tez Kəlbəcərə, mənim yanıma gəlirdi. Bir dəfə onunla Üzeyir bəy Hacıbəyovun hara da doğulması mövzusunda mübahisə etdik. Mərcləşdik. Əslində hər bir adam harada doğulursa ora onun vətənidir. Üzeyir bəy də Ağcabədidə doğulub. Mən ona dedim ki, Ağcabədi torpağı bu gündən belə tarixə heç bir şəxsiyyət verməsə belə, təkcə Üzeyir bəyi dünyaya bəxş etdiyinə görə müqəddəs torpaqdır. O isə dedi ki, Üzeyir bəy hara Ağcabədi hara...
Mən Üzeyir bəyin Ağcabədidə doğulmasını dəqiq bilidim. Müxtəlif kitab və qəzetlərdən bunları oxumuşdum. Mərci udacağıma tam əmin idim. O,isə Üzeyir bəyin Şuşada doğulduunu deyib israr edirdi. Şərtimiz belə oldu ki, mən uduzardımsa ona o zamankı 1000 manat (1600 ABŞ dolları həcmində) məbləğində mağazadan nə istəsə onu alaram, o uduzsaydı Kürün üzərindən Zərdabla Ağcabədini birləşdirən körpü çəkdirməli idi. Bu mənim gənclik dövrümdən qəlbimdə yatıb qalan ən gözəl arzularımdan biri idi. İndi də əlimə gözəl fürsət düşmüşdü. Mən yüz faiz bilirdimki, mərci udmuşam. Körpü məsələsini də ona görə dedim ki, əhalinin Kürün bu üzündən o biri tərəfinə necə keçmələrini və bunun min bir çətinliklər bahasına başa gəlməsini bilirdim. Həm də burada körpü görmək mənim gənclik illərimin arzusu idi. Razılaşdıq. Az müddət sonra biz yenidən görüşdük. Əlimdəki Üzeyir bəyin Ağcabədidə doğulduğunu təsdiq dən sənədləri və kitabları ona göstərdim. O bunlarla tanış olduqdan sonra mərci uduzduğunu etiraf etdi. Görünür, özüdə bu barədə müxtəlif adamlarla söhbət etmişdir. Nə isə..
Körpünün tikintisinə söz verdi. Layihələrini, smetasını hazırladı və çox çəkmədi ki, həmin uzunluğu 140 metr olan bu körpü hazır oldu. Bundan sonra bu zona iqtisadi cəhətdən inkişaf edən bir məkana çevrildi.
İnqilab müəllim körpü-sənət abidəsidir. Mədəniyyətdir. Siz də sağolun ki, mərcin şərtində körpü məsələsini ortaya atmısınız. Yəqin ki, indi hər dəfə o körpüdən keçənlər Sizə ürəkdən sağ olun deyirlər.
Bu gün yazıb-yaratdıqları gördüyü xeyirxah işləri ilə, çalışdığı bütün sahələrdə xalqının, elinin, obasının mənafeyini önə çəkən yazdıqları ilə dünya elminə verdiyi töhvələrlə, ən uca pillələrə qalxan, bir çox ölkələrin əvəzolunmaz mükafatlarına, orden, medallarına və fəxri adlarına layiq görülmüş İnqilab Nadirli haqqında hər bir jurnalist, hər bir mətbu orqanın fəxr ediləcək Azərbaycan oğlu haqqında öz sözünü deməli və bu borc hissini özündə tapmalıdır. Bir neçə il bundan əvvəl hörmətli İnqilab Nadirlə görüşdüyüm zaman gördüyü çox mükəmməl işləri haqqında mənə danışmışdı. Yüzlərlə gördüyü işlər müqabilində “İnqilab körpüsü”nün yaradılması işinin çox sadə bir iş olduğunu bilsəm də təşəkkürümü bildirdim gözəl həmsöhbətim İnqilab Nadirliyə.
“Elin övladı” elinə, obasına xidmət edərək ad-san qazanmış çox mötəbər insanlara deyib aqillərimiz. Biz də “Mərhəmət Elçisi” jurnalının İdarə Heyəti adından və öz adımdan çox hörmətli İnqilab Nadirliyə uzun ömür, cansağlığı və yaradıcılıq uğurları diləyirik.

Tahirə İsmayılova
"Mərhəmət Elçisi" jurnalının təsisçi-direktoru,
"Ümummilli Lider Heydər Əliyev Adına Azərbaycanın Dostları Beynəlxalq Klubu"nun sədri
скачать dle 10.6фильмы бесплатно
>

Tarix:23-12-2018, 23:38
Oxunub:41


MİLLİ QƏHRAMANLAR
Xəbər lenti